Stjórnarfundur í Foreldrafélagi Laugalandsskóla

Fundarstaður: Ráðagerði                                       Dags.  23.9´15  klukkan 17:00

Mættir eru: Guðrún Lára Sveinsdóttir formaður, Hannes Birgir Hannesson meðstjórnandi, Brynja Jónasardóttir gjaldkeri og Rán Jósepsdóttir ritari. Forföll boðaði Yngvi Karl Jónsson.

Dagskrá fundarins:

  1. Skipun stjórnar: Brynja Jónasardóttir og Yngvi Karl Jónsson hafa setið í tvö ár í stjórn og vilja nú ganga úr stjórn. Rán Jósepsdóttir hefur einnig setið í stjórn s.l. tvö ár, en vill gefa kost á sér áfram. Rætt um hverja væri hægt að hafa samband við fyrir aðalfundinn sem hugsanlega væru til í að koma í stjórn foreldrafélagsins. Guðrún Lára ætlar að undirstinga einhverja fyrir aðalfund Foreldrafélagsins.
  1. Innkaup þessa skólaárs: Sigurjón skólastjóri var beðinn um að láta vita ef það væri eitthvað sem skólann vantaði og félagið gæti hugsanlega keypt. Hann stakk upp á hlóðum til að nýta á útikennslusvæðinu. Með þessum hlóðum eru ýmsir aukahlutir s.s. ofnhanskar, ketill, pottur og „skjólveggur“  Þetta kostar u.þ.b. 120 þúsund krónur. Einnig  vantar leikföng í dagsskólann en beðið var um 30-40 þúsund krónur fyrir kaup á nýjum leikföngum. Best er fyrir bókhald félagsins að keypt séu leikföng og komið með reikninginn til gjaldkera sem greiðir um hæl J

Guðrún Lára kom með uppástungu um að kaupa vatnsvél til að nýta fyrir utan 1., 2., 3. og 4. bekkjarstofurnar þar sem vatn í þeim stofum væri vont á bragðið og heitt.  Umræða myndaðist um hvar vélin ætti að vera og þá hvort leggja þurfi nýjar leiðslur í hana til að vatnið yrði betra. Vatnið í nýju skólastofunum er ekki bragðvont, en þar er vatnsvél. Hugsanlega væri hægt að kaupa vatnsbrúsavél. Ef til vill yrði blautt í kringum vélina hjá krökkunum í fyrstu bekkjunum ef þau myndu sulla með vatnið. Höfum þetta á bak við eyrað í bili.

  1. Sumardagurinn fyrsti. Umræða um það hvort það eigi að færa þennan dag yfir á miðvikudaginn (síðasta vetrardag) eins og gert hefur verið á Hellu og Hvolsvelli. Rökin fyrir því eru þau að fleiri myndu e.t.v. sækja hátíðina og fólk gæti þá nýtt sumardaginn fyrsta án þess að hann verði sundur slitinn. Einnig er orðið algengt að fermingar séu haldnar á sumardeginum fyrsta. Mótrök eru þau að þetta er sumarhátíð og ætti því að vera á sumardeginum fyrsta eins og verið hefur einnig væri þá jafnvel spurning að leggja þessa hátíð af ef fólk er ekki að gefa sér tíma fyrir hana. Ákveðið var leggja þetta fyrir á aðalfundi Foreldrafélagsins og fá fleiri skoðanir á málinu.
  1. Fyrirlestrar vetrarins. Hvaða fyrirlestra á að hafa og hverja ekki? Á yfirleitt að vera með fyrirlestra þar sem þeir eru mjög illa sóttir og virðist engu skipta hvort þeir eru haldnir á Laugalandi, Hellu eða Hvolsvelli í því tilliti. Einnig eru þeir dýrir og spurning hvort peningnum sé betur varið í eitthvað annað fyrir skólann okkar en fyrirlestra sem fáir nýta sér.

Allir stjórnarmenn samt á því að gott sé að halda nytsamleg námskeið.

UMFÍ býður upp á námskeið sem nefnist „Verndum þau“ þar sem talað er um ofbeldi gagnvart börnum. Námskeiðið er öllum að kostnaðarlausu. Hugsanlegt er að halda þetta námskeið í samvinnu við skólann og leikskólann. Guðrún Lára ætlar að heyra í Sigurjóni varðandi þetta.

Ekki var fleira tekið fyrir á fundinum og fundi slitið kl:18:11.

Advertisements
Posted in Uncategorized | Leave a comment

Aðalfundur 2015

Aðalfundur Foreldrafélags Laugalandsskóla verður haldinn þriðjudaginn 6. október n.k. í matsal Laugalandsskóla og hefst kl. 19:30 (á sama tíma og seinni frjálsíþróttaæfingin er).

Dagskrá aðalfundar:                                                                                                                                               1. Kosinn fundarstjóri
2. Kosinn fundarritari
3. Skýrsla stjórnar
4. Skýrsla fulltrúa foreldra í skólaráði
5. Lagðir fram endurskoðaðir reikningar félagsins
6. Lagabreytingar, tillögur að lagabreytingum sendist til stjórnar fyrir 1. október á tölvupóstfangið gudrunlara@simnet.is. Sjá lög félagsins á https://foreldrarlaugalandi.wordpress.com/
7. Kosning formanns foreldrafélags og annarra stjórnarmanna auk tveggja varamanna
8. Kosning fulltrúa í skólaráð skv 8. gr. grunnskólalaga, einn á hverju ári
9. Kosinn skoðandi félagsins
10. Önnur mál

Óskað er eftir framboðum til stjórnar þar sem tveir stjórnarmeðlimir ganga úr stjórn núna.

Posted in Uncategorized | Leave a comment

Aðalfundur Foreldrafélags Laugalandsskóla

Aðalfundur Foreldrafélagsins verður haldinn þriðjudaginn 7. október klukkan 19:30 (á sama tíma og frjálsíþróttaæfingin er).

Dagskrá

1. Setning, kosning fundarstjóra og fundarritara

2. Skýrsla stjórnar

3. Reikningar lagðir fram

4. Lagabreytingar, tillögur að breytingum berist til stjórnar fyrir 1. október.

5. Kosningar

6. Önnur mál

Posted in Uncategorized | Leave a comment

Tímarit Heimilis og skóla

Í nýju tímariti Heimilis og skola er margt áhugavert að finna.

http://www.heimiliogskoli.is

Posted in Uncategorized | Leave a comment

Páskabingó

Nú er komið að okkar árlega páskabingói sem verður haldið í matsal skólans þann 11. apríl klukkan 20:00. Fjölmennum og tökum með okkur gesti.

Posted in Uncategorized | Leave a comment

Bingó, bingó

Jólabingó foreldrafélagsins verður haldið í matsal skólans þann 29. nóvember klukkan 20:00. Að venju verður nemendafélagið með sjoppu en í hléi munu nemendur í tónlistarvali flytja okkur örfá lög. Fjölmargir glæsilegir vinningar í boði.

Mætum öll og tökum endilega með okkur gesti.

Posted in Uncategorized | Leave a comment

Meirihluti barna í 4.-10. bekk á snjallsíma

Búið er að birta niðurstöður könnunar sem gerð var á netnotkun barna og unglinga hér á landi. Saft – samtök heimilis og skóla stóð fyrir könnuninni en markmið hennar var að kortleggja netnotkun barna og unglinga. Sambærileg könnun var gerð 2003, 2007 og 2009. 

http://www.saft.is/2013/11/22/meirihluti-barna-i-4-10-bekk-a-snjallsima/

Posted in Uncategorized | Leave a comment